నవనీత చోరుడు నందకిశోరుడు
అవతారపురుషుడు దేవుడే-చెలి
అవతారపురుషుడు దేవుడే
తెలియని మూఢులు కొలిచినవాడు
ఎటువంటివాడు- భగవానుడే?
పసివయసందే పరిపరి విధముల
ప్రగ్నను చూపిన మహనీయుడే
హద్దూపద్దూలేని -ముద్దులపాపడి
అల్లరికూడా ఘనకార్యమేనా ?
నవనీత చోరుడు నందకిశోరుడు...
కోనేట యువతులు స్నానాలు చేయ
కోకలదొంగ మొనగాడటే ?
పడతుల కపుడు పరమార్ధ పధము
భక్తిని నేర్పిన పరమాత్ముడే
నవనీత చోరుడు నందకిశోరుడు...
పదునాల్గు జగములు పాలించువాడే
ప్రత్యక్షదైవము శ్రీక్రిష్ణుడే
ఎదురేమిలేని పదవిలభిస్తే
ఎటువంటివాడూ భగవానుడే
No comments:
Post a Comment